पूर्व गृहमन्त्री कमल थापा गिरफ्तार (Breaking News)
पूर्व गृहमन्त्री कमल थापा शुक्रबार गिरफ्तार भएका छन्। उनलाई ९० दिनको थुनुवा पूर्जी दिइएको छ।

जनआन्दोलन दमनसम्बन्धी छानबिन आयोगले उनलाई गिरफ्तार गर्न सिफारिस गरेको हो।

थापालाई प्रहरी तालिम केन्द्र महाराजगञ्ज चलान गरिएको छ।

शाही सरकारका पाँच मन्त्री र दुई सल्लाहकार गिरफ्तार, तुलसी गिरीको व्यापक खोजी (Breaking News)


पूर्व गृहमन्त्री कमल थापा सहित चार पूर्व मन्त्रीहरुलाई सुरक्षाकर्मीले शुक्रबार गिरफ्तार गरेका छन्। पूर्व सूचना तथा सञ्चारराज्यमन्त्री श्रीश सम्शेर राणा र परराष्ट्रमन्त्री रमेशनाथ पाण्डे, टंक ढकाल र निक्ष सम्शेर जबरा रहेका छन्। यसैगरी समाचार स्रोतहरुका अनुसार राजाका वरिष्ठ सल्लाहकार एवं पूर्व सैनिक जनरलहरु सच्तित सम्शेर जबरा र भरतकेशर सिंहलाई पनि गिरफ्तार गरिएको छ।

राजाको निरंकुश शासन कालका मन्त्रिपरिषदका उपाध्यक्ष तुलसी गिरीलाई पनि पक्राउ पुर्जी काटिएको छ।

काठमाडौं जिल्ला प्रशासन कार्यलयले ढकाल, थापा, राणा र पाण्डेका नाममा पक्राउ पूर्जी थमाएको छ। तीनै पूर्व मन्त्रीहरुलाई ९० दिने पक्राउ पुर्जी थमाइएको छ। पक्राउ पूर्जीमा पूर्वमन्त्रीहरुले समाजमा शान्ति सुव्यवस्थामा खलल पुग्ने कार्य गरेको अभियोग लगाइएको छ।

पूर्व मन्त्री गिरफ्तारीका सम्बन्धमा अर्थमन्त्री डा. रामशरण महतले शान्ति सुरक्षाको स्थिति हेरेर सरकारले कारवाही अघि बढाउन सक्ने बताउनुभयो। प्रधानमन्त्री निवास बालुवाटारमा मन्त्रिपरिषद्को बैठक कक्षबाट बाहिर निस्कँदै गर्दा महतले सञ्चारकर्मीसँग भन्नुभयो, 'जनआन्दोलनमा भएको दमनको छानवीन गर्न गठित आयोगले गरेको सिफारिशलाई सरकारले कार्यान्यवन गर्छ।'


गिरफ्तार पूर्व मन्त्रीहरुलाई प्रहरी प्रशिक्षण प्रतिष्ठान महाराजगञ्जमा राखिएको छ।

दलहरुको विरुद्ध कडा अभिव्यक्ति दिने पूर्व स्थानीय विकास मन्त्री ढकालकै पालामा गत माघ २६ गते नगरपालिकाको निर्वाचान गराएर राजाको शासन प्रजातान्त्रिक छ भन्ने झुठो प्रचार गराउन लागिपरेका थिए। तर कूल २१ प्रतिशत मतदान भएको सो निर्वाचानलाई राष्ट्रिय तथा अन्तराष्ट्रिय क्षेत्रबाट मान्यता प्रदान गरिएको थिएन।

शाही मन्त्रिमण्डलका वरिष्ठ मन्त्रीहरु रहेका तीनै जनाले राजाको निरंकुशतन्त्र टिकाउन आ आफ्ना ठाउँबाट गैरन्यायिक कार्यहरु गरेका थिए। सञ्चार राज्यमन्त्री राणाकै अग्रसरतामा संविधान विरोधी सञ्चार अध्यादेश जारी भएको थियो। उहाँकै कार्यकालमा कान्तिपुर एफएम र रेडियो सगरमाथाका रेडियो सामग्री तत्कालीन सरकारले लुटेको थियो।

कमल थापाको निर्देशनमा सुरक्षाकर्मीहरुले प्रहार गरेको गोली लागि चैत २४ देखि चलेको जनआन्दोलनमा २१ को मृत्यु भएको थियो भने ६ हजारभन्दा बढी सख्त घाइते भएका थिए। जनहत्याको रुपमा नागरिक समाजले थापामाथि युद्धअपराधीको अभियोग लगाउनु पर्ने आवाज उठाउँदै आएको थियो।

तीन सुरक्षा प्रमुखहरु निलम्बित, प्रधानसेनापतिका बारेमा संवैधानिक परिषदले निर्णय लिने


जनआन्दोलन दबाउन गठित उच्चस्तरीय न्यायिक आयोगको सिफारिशमा तीन सुरक्षा अंगका प्रमुखलाई निलम्बन गरिएको छ। निलम्बनमा सशस्त्रका सहवीर थापा, जनपथका श्यामभक्त थापा र राष्ट्रिय अनुसन्धान विभागका देवीराम शर्मा रहेका छन्। प्रधानसेनापतिलाई भने संवैधानिक परिषदको सिफारिशमा कारवाही अघि बढाइने स्रोतहरुले बताएका छन्।

शुक्रबार साँझ प्रधानमन्त्री निवास बालुवाटारमा बसेको मन्त्रिपरिषदको बैठकले सो निर्णय गरेको हो। आयोगले चारै सुरक्षा प्रमुहरुलाई निलम्बन गर्नका लागि सिफारिश गरेको ६ घण्टा नबित्दै सरकारले उक्त निर्णय लिएको छ।

सुरक्षा प्रमुखहरुलाई निलब्न गरिएको सम्बनधमा शुक्रबार साँझ मन्त्रिपरिषदको बैठकबाट बाहिर निस्कँदै गर्दा अर्थमन्त्री रामशरण महतले सञ्चारकर्मीसँग यो निर्णय संसदलाई मात्र जानकारी गराउने बताउनुभयो।

छोरी विवाहका लागि भारतबाट जन्ती आएको बेला सरकारले प्रधानसेनापति थापालाई पदबाट निलम्बन गरेको छ। थापाको छोरीको विवाहका लागि अहिले भारतबाट आएका दुलाहा सहितका जन्तीहरु काठमाडौंमै छन्

एकदम राम्रो! अति राम्रो!!

अब यिनीहरुलाई कम्तिमा ५ बर्ष जाक्नु पर्छ जेलमा। अनि बल्ल यिनी कुकूरहरुले चटपटाउन छाडनेछन। तुल्सी गिरी भाग्न नपाओस्।
।

AAjiwan karawas pani kam hunchha yi chorharulai ta. teti dherai manchhe marne ra ghaite banaune kam gareka chhan. Dhukuti saki saki.

chor kamale ..................



dukha payo mangale ...